Real Madridi ende pas shërbimeve të Donny van de Beek

12:17 | 1 Gusht 2019
Arbresh Info

Mesfushori i Ajaxit, Donny van de Beek raportohet të jetë ende në listën e shkurtër të Real Madridit për transferim këtë verë.

22-vjeçari ka shënuar 17 herë dhe ka kontribuuar me 13 asistime brenda 57 paraqitjeve te Ajaxi sezonin e kaluar ku gjiganti holandez ka fituar kupën dhe ligën si dhe ka arritur në gjysmëfinale të Ligës së Kampionëve, transmeton portali arbresh.info.

Madridi është përfolur për transferimin e reprezentuesit të Holandës në fillim të kësaj vere, por mendoj se interesimi i tyre është zbehur për shkak të shfaqjes së Paul Pogbas së Manchester United si shënjestër kryesore.

Por, bazuar në De Telegraaf, Madridi nuk ka hequr dorë asnjëherë nga gara për Van de Beek dhe do të reagojë për transferimin e tij nëse Pogba nuk arrinë në Bernabeu para përfundimit të merkatos.

Eden Hazard, Luka Jovic, Eder Militao, Ferland Mendy dhe Rodrigyo i janë bashkuar të gjithë skuadrës së Zinedine Zidanes këtë verë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm